Tuesday, October 05, 2010

في ألمانيا train بال



 قاعده بال ترين بعد ما امي خلتنا نغير محلنا زي ألف مرة عشان هون ما بنشوف اشي وهون في صوت المحرك و هون قراب عالحمام فأخيرا قعدنا ورا بعض ومش قبال بعض على طاولة .المهم ، قاعده أنا وقبالي كابل شكلهم أكبر من مراهقين بشوي ، يمكن24 ، 22



قاعدين على كرسيين جنب بعض وممددين اجريهم على الكراسي اللي قبالهم ، بالزبط زي المحل اللي امي كان بـدها نقعد فيه.


الشاب كتكوت وطويل ، يعني الماني شو بدو يكون! وهي مش كتير حلوه ، كان بقدر يلاقي أحسن! هيك نحنا العرب بنحكم عالناس بالمظاهر وزي كإنه بنستخسر بالشباب البنات اللي مش كتير حلوين كإنه الجمال كل اشي.


قاعد هو جنب الشباك وهي الكرسي اللي جنبه. هو ماسك مجله بيقرأ مقالة – عن الهندسه المعماريه شكله- وهي ماسكه ناشونال جيوغرافيك . إه! بيعملوها بالالماني


ابصر ايمتى يعملوها بالعربي ؟ بس يصير الشعب العربي يعرف عن ناشونال جيوغرافيك ولا بس يصيرو يقرأوا؟


كتير اطلعت عليهم وعادي مش فارقة معهم ، لو بعمان كان زمان جحرتني وهو كان زمان لاحظني !بس كمان ليش يفرق معهم ؟ مش عاملين اشي غلط .قاعدين كل واحد بيقرا بمجلته يعني الطريق طويلة يستفيدوا شوي بدل ما ياكلوا أو ينزلو دحيه مثلا؟
 
حط ايدو على كتفها، مسكت ايدو ، ابصر شو نوع الكريم اللي بتحطه! ولا يمكن مابيهمها إذا حس انه مش كتير جلدها ناعم ، العلاقة أكبر من ريحة كريم أو نعومة بشرة .


أنا قاعده وحاطة ال اي بود ولابسه تنورة وتحتها تايت موضه مش كتير بيقدروها بعمان . ولساتني عم بتطلع . امي من قدام لصاحبتها "شوفي الناس هون ولا هاممهم “ ضحكت .


.....


يعني معقول أنا عم بلعب سودوكو و هدول قاعدين بعيشوا حياتهم بدون تعقيدات؟ طب عادي ايش المشكلة ؟ المشكلة انه قعده جنب بعض و إيد عالكتف بغ ديل عنا . ماعم بحكي عن المجتمع والحفرتل وعادي كت ومش كت ، عم بحكي انه هذا الشعور ال كوزي مع صاحب ماعشته كل اللي عشته قصص ودراما وبنقدر نكون مع بعض ولا ما بنقدر ، ناخد بريك وبعد البريك وقبل البريك وهدايا ومسجات وال اكس . ولساتني بتطلع …..


بتطلع على الخزق اللي عاملته بحاجبها، يعني بحب الخزوق بس مش عارفه ازا ممكن اعمل على حواجبي. شعرها بني ولابسه كندرة حفرتليه بيضة بس تقاطيع وجها ناعمه .


شعره حلو زي ما دايما بنتخيل الألمان ,طويل ومرتب ، حتى حواجبه حلوين! ايديه كمان حلوين. كيف دايما الالمان مرتبين . لابس جاكيت كحلي أوه بنطلون جينز.


ابصر إذا لسة بدرسوا ولا بيشتغلوا.


ابصر كيف التقوا؟ ابصر إذا اهلها شافوها بتقعد غير ؟ ولا الموضوع مش هيك؟


يبصر إذا أهلها بيحبوه !


اظن لازم يضربني قد مااطلعت !


........


ضحكوا على اشي بدون مايطلعوا على بعض .مع الوقت اظن بصيروا يفهموا على بعض .


زهقت ، ضبت المجلة ونامت على حضنه. لازم أكون متجوزه عشان اقدر اعمل هيك بـعمان قدام الناس والا بكون قليلة أدب وأهلي ماعرفوا يربوني !


طب إذا أنا اللي بسافر وبروح وباجي بتطلع كيف الناس التانية؟ اظن اني معذورة عشاني عربية!


عشان عندي قيم وعشاني اخترعت الصفر. عشاني بحب الفلكلور والمناقيش وصلة الرحم والكرم والشهامة ويوم الجمعة. عشاني عربية بطبعي محافظة وبصون العادات والتقاليد .بحب اللباس المحتشم والمنسف!عشان العرب هم اللي فتحوا الأندلس وبنوا الأهرامات وألفوا موسيقى أم كلثوم وفيروز اللي جاي من باريس الشرق.


عشاني عربية مش مقبول اني أعيش لحالي مش بس أعيش مع صاحبي! مش مقبول انه حتى إذا عشت مع زوجي أقرر أطلقه. عشاني عربية ماكله هوا لما بدي آخذ فيزا على أي بلد وبتشنطت عشان آخذ شينغن . قال لازم دعوة ، بيخافوا آجي على البلد وأنا بسن 27 ومش متجوزة وأصفي قاعدة وبـدور على شغل ومش قابلة أرجع. بيخافوا انه يمكن أكون عالة على المجتمع وأعمل مشاكل لأني طبعا عربية . عربية ومن الأردن وطالبة شينغن تبدأ من 9/11 . يعني معقولة أنا التانيه مالقيت تاريخ غير 9/11 ؟! بيخافوا التم على اكمن عربي هناك واصير من الجالية العربية اللي مش عارفين كيف يخلصوا منها. أو بيخافوا مثلا اضايق الناس وأسبب ازعاجات….. 


بصراحة معهم حق! هيني هلكت اللي قبالي وأنا ببحلق فيهم وبتسائل عن أحوالهم وأفكارهم وأهلهم ومن وين جاكيتاتهم. معهم حق!


بس برضو لازم يعذروني، أنا عربية

P.S. A few days ago National Geographic Magazine is launched in Arabic :)

10 comments:

Dash said...

i guess being a 3arbieh is a curse!! specially when you go out side!!! their freedom is too wide for us and our conservative society is too narrow for our thought,.. a mix that stays in between i suppose..! good article and cool writing.

Dash said...

i guess being a 3arbieh is a curse!! specially when you go out side!!! their freedom is too wide for us and our conservative society is too narrow for our thought,.. a mix that stays in between i suppose..! good article and cool writing.

Anonymous said...

الى كل فتاة عربية،هل:
كل همك تسكني مع صاحبك و تعبطو بالشارع؟

المطالبة بحرية الرأي،السياسة،الخ
وين راحت

روحي على دبي و عيشي مع شباب على راحتك،بس مش هاد المطلوب

Lara said...

Dash : :) thanks for your comment


Annonymous: هاهاها مابدي اعبط حدا . الهدف من المقاله انه نحنا العرب دايما بنبحلق و مش متعودين على هيك شوفات .بس.
والوضع السياسي ما أنت شايف!:S

have a nice day and take it easy

Anonymous said...

you made me smile :)
I like to stare,especially if it is a pretty girl,it is not limited to Arab guys :p
we stare at anything,car accidents,fights,TV camera
أنا نفسي أعبط :) مع انها صارت عادي في عمان ، و التبويس بالبارات عادي و في السيارات في شارع الاردن

sheeshany said...

ضربك و اللا لأ
:]
لوول

ناشيونال جيغرافيك أخيرا ً بالعربي
بالمناسبة
:)

Anonymous said...

I had mixed feelings when I read the post.
The one who wrote it must be a very passionate person whom for some reason feels left out or lonely, as I sensed (not necessarily to be right)

There is nothing wrong of being Arabic nor nothing great being a German, the value of each person comes from within.

Though beliefs differ for what's right and what's wrong; yet, the good terms, and I insist on GOOD word, you mentioned about loving and family connections, good manners and being conservative, are NO WAY but right, and of course you're free to believe what you think is right.

Arabs are not in the rear of the nations cause of that, they were even more and more conservative when they lead the science and nations, so 100% this is not the reason.

Anyway, enough of the long talk, look @ the bright side, you enjoyed with your mom, that's good enough and hopefully you get someone in your life that will make you even happier than "National Geographic" pierced brows girl ;)

Lara said...

Haitham
thanks for your comment, no he didn't hit me lol

Annonymous (12 November, 2010 21:26)


thanks for your insight. I am a very passionate person.
I am very proud to be an Arab, this post is just a documentation of what runs through my head sometimes :) and i'm sure when a person travels philosophical thoughts arise and values become experimental.

M.Ispeer said...

I donno what to say amiga, but peirced in the eyebrow, i don't think u wanna do that, that's just plain ugly ;) ...and since when german guys are attractive??!!! lsn i know u just wrote that based on "philosophical thoughts arise and values become experimental" but i know u have more security than all german population together, its just when you travel your mind wonders, but it was a hell of an artikle.

And abt being an arab, its neither a curse nor a belssing, everything is a state of mind, for me i am not neither proud or disgraced abt it, i just think we are all humans at the end of the day with different values and traditions, i am sure we don't approve all arabs tradition neither all western traditions, but we accept it becouse this is what makes us humans.
wo ma7adesh yes2alane 7aga la2enne mesh fahem 7aga men elle ana ba2olo

Anonymous said...

ك جديد ، وأنا دائما البحث على الانترنت عن المواد التي يمكن أن تساعدني. شكرا لكم نجاح باهر! شكرا لك! أردت دائما أن أكتب شيئا في موقعي من هذا القبيل. يمكن لي أن أعتبر جزءا من مشاركتك لبلدي بلوق؟